21 лютага ва ўсім свеце адзначаецца Міжнародны дзень роднай мовы. Для кожнага чалавека гэта нагода яшчэ раз задумацца аб каштоўнасці сваёй культурнай спадчыны. Нашы вучні не засталіся ў баку і адправіліся ў займальнае падарожжа ў свет беларускага слова, наведаўшы школьную бібліятэку. Мерапрыемства прайшло ў цёплай і творчай атмасферы. Бібліятэкар Ніна Яўгеньеўна падрыхтавалі для хлопчыкаў і дзяўчынак насычаную праграму, якая дазволіла кожнаму праявіць свае таленты і веды. Пачалася сустрэча з інтэлектуальнай размінкі: дзеці з азартам адгадвалі народныя загадкі, якія патрабавалі не толькі ведаў, але і кемлівасці. Затым школьнікі паспрабавалі сябе ў ролі знаўцаў народнай мудрасці — яны тлумачылі сэнс глыбокіх беларускіх прыказак і прымавак, разважаючы аб тым, чаму яны вучаць нас сёння. Асаблівы настрой стварыла чытанне вершаў. Мілагучнасць і прыгажосць беларускай мовы гучалі ў кожным радку твораў нашых класікаў. А самым дынамічным этапам стала гульня «Перакладчыкі». Вучні спаборнічалі хутка і трапна падбіраць беларускія адпаведнікі да слоў, адкрываючы для сябе багацце і непаўторнасць роднага слова.